Dental ardiiɓe fombinanko’en Naajeeriya bee dental ɓiɓɓe cakaare andiraangal (Middle Belt) ɓe wanngini wi’iki ɓe meeɗay wi’ana Fulɓe durooɓe ɓe acca nokkuuje maɓɓe, banno ndotti’en waylaari Naajeeriya umri ɓe ɓe koota saare.

Anndinoore nde dente ɗeen sendini ɗaɓɓitooɓe kubaruuji, marnde waatango juuɗe Chief Edwin Clark bee Chief Ayo Adebanjo bee Chief John Nwodo beena Dr Pogu Bitrus gasnaaɗum noddaandu ndu ndotti’en bee darke’en wayla ngaɗi, dow Fulɓe ɓe koota wayla, ɓe suuɗiti tamɓeren maɓɓe bee humpitol ngol ardiiɗo waylanko’en bi’iteeɗo Prof. Ango Abdullahi waɗani Fulɓe dow ɓe ngarta nokkuuje maɓɓe tigi.

Anndinoore ndeen ɓeddi bee wi’iki ardiiɓe Fombinanko’en Naajeeriya bee Cakantanko’en ɓe ngalaa ɓillaaji bee Fulɓe waynaaɓe , ngam ɓe neeɓi ɓe ɗon gondi bee maɓɓe fahin ɓe ɗon doggina kuuɗe maɓɓe naa hawtaade e ɓillaaji.

Dente ɗen ɗe ɗaɓɓiti ardiiɗo Muhammadu Buhari o haɗa Prof. Ango Abdullahi bee wandaaɓe maako dow ko ɓe inni bolle ɗe fota dañan konu nder lesdi ndiin.

Leave a Reply