Abubakar Al-sow Dakiɗo

Firaministaajo lesdi Mali jippake bee ngomnati maako nofoti, yontere nayi ɓaawo mbarigo Fulɓe waynaaɓe ɓe ɓe ɓuri 160 nder kippol ngol yaaraama dow labbaare Ogossagou.

Haa ñalaande njaslaare saalinde ɗo on, joonde diidaaɗi lesdi ndin fuɗɗi ƴemtootirgo soggugo ciɓol jippinango Firaministaajo Soumeylou Boubeye Maiga, dow saligo gomnati maako ka jaftigo mbalmi iwde saata gikku’en bee maki’en hautaade e timminango waɗooɓe Jihad.

Humpitinaaji wi’i kippol ngol yaaraama dow Fulɓe waynaaɓe ngol tuumata maki’en iwde nokkuure Dogon bee yaarigo, kangol bana maagol on ɓurdugo ñuddungol nder taariiha turtol lesdi ndiin.

Nder anndinoore feere ardiiɗo Ibrahim Boubacar Keita, wi’i o duñgake bee jippigo Firaministaajo man bee minista’en maako.

Ardiiɗo man ɓeddi bee wiiki yeeso seɗɗa ɓe lamminan firaministaajo keso hawtaade bee tiggigo gomnati kesa ɓaawo hokkigo boliinde iwde yebre dowrungol feere feere nder lesdi.

Haa arandeere lewru ndu’u on wankooje mawnde waɗaama ngam ñawnugo gomnati umma jinna darnde ngam waddiki soynde narral ngal fe’ata hakkunde le’i lesdi ndiin ngal senndiri himɓe ɗuuɗɓe e nokkuuje muum.

Leave a Reply