Hanndeere

Hanndeere ndee mi dawii cup ngam waɗugo winndannde woɗnde dow leɗki ɓokki (ɓowki) he geɗe muuɗum goɗɗe naftorteeɗe nder renndo.

Ɓokki noon ko ɗum leɗki ɓurduki mawnugo (tooweendi he njaajeendi) nder jehreende meeɗen woowaande ndee (Sahel) eki darii darnde leɗki goɗki ina wiyee ‘moabi’ nder laynde-sukkunde (wonii forêt équatoriale) to baŋŋal maapinndaare he bote goɗɗe.

Ɓokki, kadibo bano leɗɗe limtanooɗe keɗdiiɗe ɗeya, ko ɗum leɗki ki geɗe muuɗm laatike nafoore corok: gilla he haako mum koo (hecco e yoorko), hah ɓiɓɓe muuɗum ɓee (heccuɓe he ɓennduɓe) ko noon ɗaɗi muuɗum he baaji he ceɓe muuɗum ɗuum, wonaa yeggitgo enɗam ɗam he ɗaccere ndee ko noon ɗowgi ngii hay woodeende muuɗum heeriinde ndee…
Haako ɓokko noon, ina teɓee, laalɗinre ñaamiree kadi lacciri he ñiyiri…
Ɓiɓɓe ɓokki kadibo ina mbiyee ɓohe ina caawii nder paali-ɓohe cattuɗi koloŋ saɗa fuseego ñaamri ngonndi nder ndii ko gaaluuɗe ɓohe mbiyetee: ina mucce cookum pal ina waawii kadibo soofnee, siggee waɗdee he kosam walla liʼo maa ñiyri ekn…
To baŋŋal baaji noon, ko fooɓre leɗki kin siretee. Caggal sireego, ko wonata dow baaji ɗin huftee weddee heɗdo kadi baaji ɗin ɓoli; ɗi kawee ɗi mbaɗee ɓoggi (ɓowgi). Ɓoggi ɓokki ɗin ina nafa e kuwe ɗuuɗɗe:
– Ɓoggi ɓokki kawaaɗi ɗin ina cafiree ndiyam e ɓulli nde tawnoo ko ɗi tiɗɗi beebɗi ɗi naawataa juutɗe kañji;
– Nafoore ɓoggi ɓokki ɗiɗmere ndee wonii..

[Winndannde ndee timmaayi eɗum jokkii].

Musidgel mooɗon A. Bello-Jallo
(Daande Aadamaari) !

Leave a Reply