Ardiiɗo leydi Rusiyya bi’eteeɗo Vladimir Putin wangini wiiki leydi maako ballita tayre Afirka naa hawtaade e gertootiral.

Nder gewte nde Putin waɗi e laawaandu cippol kubaruuji ndu TASS wangini wiiki “min ndaari no yoga lesɗe hirna ɓillata ardiiɓe lesɗe Afirka mawna‐laamuuɓe.

Ɓe ɗon naftira hono ɗate ɗeen on ngam lornango sembe ka ɓe mari hono wakkati laamu maral, ɓe ɗon ngaɗa banni may on ngam heɓango riiba, hawtaade bonnuki kilantaaku risku maɓɓe.”

Ɗum ɗon tamma leydi Rusiyya gewtan e ardiiɓe lesɗe Afirka 47 hakkunde 23 yaago 24 lewru yarkomaa.

Putin wangini wiki sobiraaku maako e Afirka sembiɗi haa o tinndini e yabre soji’en haa o wi’i ɗon heɓana lesɗe Afirka hewtiiɗe 30 mbalmi jotta ɗoo.

Leydi Ruwanda ɗon nder lesɗe ɗe marata soobiraagu cabbingu e leydi Rusiyya.

Nder balaaɗe ɗe, ardungal leydi Ruwanda dungake haɓɓango ngerdootiral e leydi Rusiyya ngam ɓurtango nukiliya, kono ɓe naftiran nukiliya man hedi joonde jam.

Ɗum naftira nukiliya man haa ko laarani ɓurtango demal hawtaade e heɓango hiite lamtarki e podduki nokku nguurndam.

Leave a Reply