Ardiiɗo lesdi Naajeeriya, Muhammadu Buhari teddinaama bee teddinoore nde lardetee ɓurdunde nder lesdi Libaria fuu no foti.

Ardiiɗo Buhari jaɓi caahu teddinoore ɓurdunde nde lesdi ndin on yaake nde O yalɗiri lamar hewtuki duuɓi 172 ko lesdi ndin rimɗiri iga juuɗe Nasara’en lamar ka doggina nyande jumɓaare yawtunde.

Nde O waɗanno jawaabu seyo dow darnde maako ngomnati e ummaatoore lesdi Naajeeriya fu, ardiiɗo Buhari andini taskaramji fintinki kilantaaku riskuuji lesdi wangini laabi fa’al yeeso ɗuɗɗi fintinooji kilantaaku riskuuji lesdi ndin.

O wi nufo ngomnati maako won ustuki jongutuki lesdi ndin dow kuujeeji lesɗe yaasi e sembiɗinki naftirki areeji nder lesdi e laabi tabutunki areeji ɗin feesi no maraa haaje.

Nde O wolwanno haala teedinoore nde O teddina bo ardiiɗo Buhari usuɗo barkiɗini lesdi ndin andini dow teddinoore nden naa nde maako kanko tan ɗum teddinoore on nde lesdi Naajeeriya fu no foti.

Iwii: Dahiru Gurin

Leave a Reply