Tedduɓe

Jam mbaalɗon banndiraaɓe tedduɓe.
Humpito caggal leydi men:

Usmaan. M. Njaay gorko mbo tulde Ɓogge.

Duunde Afrik:

To leydi Senegal:

-Komisiyoŋ keeroriiɗo rewindo ko feewti e ndoyam holliti njoɓdi ndi maa ɓeyde 6% maa 10% taw addi ɗum ko sosiyete kolliti njoɓdeele ɗee ina pamɗi.

-A ɓe njiɗi yuɓɓin’de wooteeji ardiiɓe gure… noddirteeɗi (les elections locales).
Ɓe kolliti yonta nde waɗate fawi tan koy e bidze maɓɓe, so dañaama ko ina huccini heen tan maa waɗe e nde hittaande walla hitaande aroore nde.

-Rafi deeŋ fotde yimɓe jooyo ngaraama ɗum to wuro Katrin.
Laamu ngu hirjini nde yimɓe ɗanootto e harkillaji, toppito laaɓal… ngam rafi o waasa reɓde (yaajde).

To leydi Mali: honinkooɓe maɓɓe mbiiyi ɓe baranaama fotde 24 koninke. Taw koy nanngondiral hakkunde maɓɓe e waɗ boniiɓe en.

To leydi Gambie: ɓe mbiyii leydi ndi ine heewi laabi ɗi ngala inɗe. Laamu ngu hollitii ma ƴettan ɗum feere.

Collette Hubert Senghor gonnooɗo jom suudu Senghor, o saŋkiima haŋki o sankori ko duuɓi 94.
O meeɗiino wiyii so maayii yo ubbe Joal to Senegal.

To leydi Konngo: Laamu ngu eɓɓi budget maɓɓe e hitaande 2020 heen tataɓal fayi ko e jaŋde e cellal.

Duunde Orop e duuɗe goɗɗe ɗee fof:

Leyɗeele keewɗe mettini haa teŋti e leyɗeele arabee ɗe. Nde wiya won’de koɗorɗe ɗe Israel mahi e nder Cijordani ko e dow goonga…

To leydi Bolivi: haa jooni yimɓe Morales ne njokki seppude, ngam wiyiide yo lomtiiɗo mbo o ummo. Hono Jeanin Añez.

To leydi Frayse: Macron ƴetti koŋngol e yeeso ardiiɓe gure France, o wiyi : << ma o ƴettu peeje ngam haɗde dariiɓe seerdude dineeji haa leƴƴi>>.

To leydi Suede: ñawooɓe ɓe leydi ndi mbiiy won’de Julien Assange ko tuumano e makko wodaani, firti ko o wellitaama.

Humpito leyɗeele Aarabeeɓe.

Buubakar Kalidu Sow gorko mbo Hudallay.

Amrik wiyi leyɗeele Palastiin ɗee Isra’iil jiimi ɗe, haŋkadi ko e leydi Isra’iil ndi njeya. Leyɗeele winndere keewɗe ñiŋi Amrik e kaan haala.

Seppooji mawɗi mbaɗi to leydi Iran, seppooɓe ɓee ceppata ko coggu gaasuwaal ko ko ɓeyda. Maayɓe keewi e seppooji ɗi, maa ɓur 107 neɗɗo.

To leydi Aljeri jaŋgooɓe to duɗe jaaɓi haatirde ina ngnndi e doktoreeɓe e awokaaji, ceppi toon ngam salaade wooteeji maɓɓe ɗi, ɓe mbiyi ƴamooɓe ɓe ko ɓikkon laamu buteflika tan ngoni ɗoon.

Parlement to leydi Liban ina fonno jooɗaade hannde, kono ɓe kaayti. Addaniɓe haaytude ko seppooji ɗi, nde tawno seppooɓe ɓee ko ko nguddi boli ɗi.

On njaraama musiɗɓe tedduɓe, hebluɓe ngo humpito, wallidiiɓe menFaatimat e Jeynaba A Joop rewɓe ɓe Magaama. Haa e onon yillotooɓe Faabo Afrik men e kala tuma.

En mantii galo dokko moƴƴo, mbo hono mum nanndi wodataa!

Leave a Reply